ସେହି ମୋ ପ୍ରିୟ ଜନମଭୂଇଁ - Sehi Mo Priya Janamabhuin Lyrics

== ଓଡ଼ିଆ ==

ଗୀତ : ସେହି ମୋ ପ୍ରିୟ ଜନମଭୂଇଁ
ଭାଷା : ଓଡ଼ିଆ


ଯେଉଁ ଦେଶରେ ଜନମ ମୋର
ଯାହାର କୋଳେ ବଢ଼ୁଚି ମୁହିଁ
ଜନନୀ ପରି ପାଳୁଛି ଯିଏ
ସେହି ତ ମୋର ଜନମଭୂଇଁ ॥୧॥

ଗହନ ବନ ଶ୍ୟାମଳ ତରୁ
ଗହଳ ଲତା ଦେହେ ତା ଶୋହେ
ଡାଲରୁ ଡାଲେ ବିହଙ୍ଗ ଉଡ଼ି
ମଧୁର ଗାନେ ପରାଣ ମୋହେ ॥୨॥

ତାରକା ମେଳେ ଆକାଶେ ତାର
ଜୋଛନା ଢାଳେ ବିମଳ ଶଶୀ
ଗୋଟିକି ଗୋଟି କୁସୁମ ଫୁଟି
କୋଳେ ତା ଲୋଟି ଉଠଇ ହସି ॥୩॥

ସାଗରେ ନୀଳ ଲହରୀ ମାଳ
ନାଚି ନାଚି ତା ଚରଣ ଧୁଏ
ଖେଳି ଖେଳିକା ଝରଣା କେତେ
ସରାଗେ ତାର ଦେହଟି ଛୁଏଁ ॥୪॥

ସେଇ ଦେଶର ପଲ୍ଲୀ ପୁରେ
ଆପଣା ପର ବିଚାର ନାହିଁ
ସବୁରି ସାଥେ ଖେଳେ ମୁଁ ହସି
ସଭିଏଁ ମୋର ଭଉଣୀ ଭାଇ ॥୫॥

ତାହାରି ସୁଖ କାମନା ଆମ
ତାହାରି ସେବା ଆମରି କାମ
ତାହାରି ପାଇଁ ଜୀବନ ଢାଳି
ରଖିବା ଆମେ ତାହାରି ନାମ ॥୬॥

ସେହି ତ ଗଢ଼େ ଜୀବନ ମୋର
ସେନେହେ ତାର ବଢ଼ୁଛି ମୁହିଁ
ତାହାଠୁ ବଡ଼ ନାହିଁ କେ ଆଉ
ସେହି ମୋ ପ୍ରିୟ ଜନମଭୂଇଁ ॥୭॥


YouTube ରେ ସେହି ମୋ ପ୍ରିୟ ଜନମଭୂଇଁ



ସେହି ମୋ ପ୍ରିୟ ଜନମଭୂଇଁ:
ପାଠ୍ୟପୁସ୍ତକରୁ ସଙ୍ଗୃହିତ କବିତା “ସେହି ମୋ ପ୍ରିୟ ଜନମଭୂଇଁ” ପଢ଼ନ୍ତୁ “ଦି ସ୍ମରଣିକା” ରେ ଓଡ଼ିଆରେ ।


Keywords: Pathyapustaka Kabita, Odia Kabita, Odia Sahitya Bahi Gita, କବିତା ଓଡ଼ିଆ, ପାଠ୍ୟପୁସ୍ତକ କବିତା, ଓଡ଼ିଆ ସାହିତ୍ୟ ବହି ଗୀତ,


ଆପଣଙ୍କ ମତାମତ ବା ପ୍ରଶ୍ନ ତଳେ comment କରି ଜଣାନ୍ତୁ...