ଘୂରେ ଆମ ପୃଥିବୀଟି ଚକା ଚକା ଭଉଁରୀ (ଅଦ୍ଭୁତ କେଡ଼େ ସତେ ପୃଥିବୀଟି ଆମର) - Ghure Ama Pruthibiti Chaka Chaka Bhaunri (Adbhuta Kede Sate Pruthibiti Aamara) Lyrics

ଫଟୋ କ୍ରେଡିଟ୍ : ସୂର୍ଯ୍ୟ, ପୃଥିବୀ ଓ ଅନ୍ୟ ଗ୍ରହ ମାନଙ୍କ ଫଟୋ ପିକ୍ସାବେ ରୁ ସଂଗୃହିତ

== ଓଡ଼ିଆ ==

ଗୀତ : ଅଦ୍ଭୁତ କେଡ଼େ ସତେ ପୃଥିବୀଟି ଆମର
ଭାଷା : ଓଡ଼ିଆ


ଘୂରେ ଆମ ପୃଥିବୀଟି
          ଚକା ଚକା ଭଉଁରୀ
ଘୂରୁଛି ସେ କେଉଁ କାଳୁ
          ଘୂରୁଥିବ ଆହୁରି ॥୧॥

କେଡ଼େ ବଡ଼ ଦେହ ତାର
          ଶୂନ୍ୟରେ ଝୁଲଇ
ନିତି ନିଜ ଚାରିପଟେ
          ନଟୁପରି ବୁଲଇ ॥୨॥    

ସୂର୍ଯ୍ୟକୁ ଘେରି ଘେରି
          ଗତି କରେ ପୁଣି ସେ
ଥକିଯାଏ ନାହିଁ କାହିଁ
          ନିଜ ପଥେ ନିମିଷେ ॥୩॥

ଆଲୋକରେ ଯେବେ ତାର
          ଏକ ପାଖ ଝଲକେ
ଅନ୍ଧାର ଘୋଟିଥାଏ
          ଆର ପାଖ ମୁଲକେ ॥୪॥

ଅଦ୍ଭୁତ କେଡ଼େ ସତେ
          ପୃଥିବୀଟି ଆମର
ନିର୍ଜଳ ମରୁ କାହିଁ
          କାହିଁ ହ୍ରଦ ସାଗର ॥୫॥

କାହିଁ ଖରା ଉତ୍ତାପ
          କାହିଁ ଘୋର ବରଷା
ଉର୍ବର କେଉଁ ଭୂମି
          କେ ବା ଅତି ନୀରସା ॥୬॥

ଶୋହେ କେଉଁ ଗିରି ଶିର
          ରୁପା ଭଳି ତୁଷାରେ
ଝଲମଲ ହୋଇ ଉଠେ
          ରୁପା ତାର ଉଷାରେ ॥୭॥

ଆଉ କେଉଁ ଗିରି ପୁଣି
          ଉଗାରଇ ଅନଳ
ସୁଅ ସମ ବହିଯାଏ
          କେତେ ଧାତୁ ତରଳ ॥୮॥

ପୃଥିବୀଟା ଘୂରେ ସିନା
          ଆମେ କେହି ଘୂରୁ ନା
ଆମକୁ ସେ ଲାଗେ ନାହିଁ
          କେବେ ହେଲେ ପୁରୁଣା ॥୯॥

କୋଟି କୋଟି ପ୍ରାଣୀ ସିଏ
          ବହି ତାର ଦେହରେ
ପାଳୁଅଛି ମାଆ ପରି
          କାଳ କାଳ ସ୍ନେହରେ ॥୧୦॥


ଆପଣଙ୍କ ମତାମତ ବା ପ୍ରଶ୍ନ ତଳେ comment କରି ଜଣାନ୍ତୁ...