କହଇ ମନ ଆରେ ମୋ ବୋଲ କର (ମନବୋଧ ଚଉଚିଶା) - Kahai Mane Aare Mo Bola Kara (Manabodha Chautisha) Lyrics

== ଓଡ଼ିଆ ==

ଗୀତ : କହଇ ମନ ଆରେ ମୋ ବୋଲ କର
ଭାଷା : ଓଡ଼ିଆ
ପୋଥି / ପୁସ୍ତକ: ମନବୋଧ ଚଉଚିଶା
ଗୀତିକାର : ଭକ୍ତ ଚରଣ ଦାସ


କହଇ ମନ ଆରେ ମୋ ବୋଲ କର
କଳା ଶ୍ରୀମୁଖ ବାରେ ଦେଖିବା ଚାଲ ।
କେତେ ଦିନ କୁ ମନ ବାନ୍ଧିଛୁ ଆଣ୍ଟ
କି ଘେନି ଯିବୁ ତୋର ଛୁଟିଲେ ଘଟ ॥୧॥

ଖଣ୍ଡି ଯେ ଖଣ୍ଡି ତୋର ପିଞ୍ଜରା କାଠି
ଖାଉଣ ଥିବେ ଶ୍ୱାନ ଶୃଗାଳ ବାଣ୍ଟି ।
ଖଟ ପଲଙ୍କେ ଶେଯ ସେଯାଇ ଶୋଉ
ଖଳ ଦୁର୍ଗନ୍ଧ ହେବ ଏ ତୋର ଦେହୁ ॥୨॥

ଗଲେଣି ତୋ ସଙ୍ଗରୁ ଯେତେକ ଜନ
ଗଣ୍ଠିରେ ବାନ୍ଧିନେଲେ କେ କେତେ ଧନ ।
ଗୁରୁ ଗୋବିନ୍ଦ ନାମ ତୁଣ୍ଡେ ନ ବୋଲୁ
ଗାଢ଼େ ମଜ୍ଜିଣ ନିତ୍ୟେ ଧନ ଅର୍ଜିଲୁ ॥୩॥

ଘର ବୋଲି ଅର୍ଜିଛୁ ଯେତେ ପଦାର୍ଥ
ଘଟ ଛୁଟିଲେ ତୋତେ ବୋଲିବେ ଭୂତ ।
ଘର ଘରଣି ଦେହ କୀଳାଉଥିବେ
ଘେନି ବନ୍ଧୁ କୁଟୁମ୍ବ ଶୁଦ୍ଧ ହୋଇବେ ॥୪॥

ଉଦ୍ଧାର ହେବୁ ଯେବେ ଭବ ସାଗରୁ
ଉପାୟ କରି ଭଜ ଏବେ ଶ୍ରୀଗୁରୁ ।
ଊଣା ହେଉଛି ଦିନୁ ଦିନ ଆୟୁଷ
ଆଉ ଏଣିକି ଅଛି କେତେ ବୟସ ॥୫॥

ଚିତ୍ର ପ୍ରତିମା ପ୍ରାୟ ଦିଶୁ ସୁନ୍ଦର
ଚିରି ଭିତର ଦେଖ କି ନାରଖାର ।
ଚର୍ମ ବେଢ଼ିଛି ସିନା ଚଉରାଶିକି
ଚିତ୍ତ ତୁ ଦିଅ ନୀଳଗିରିବାସୀଙ୍କି ॥୬॥

ଛାର ଦେହକୁ ମନ କରିଛୁ ସଜ
ଛନ୍ଦ କପଟ ତେଜ ଗୋବିନ୍ଦ ଭଜ ।
ଛୁଇଁବେ ନାହିଁ ତୋତେ ବୋଲିବେ ମଡ଼ା
ଛଖଣ୍ଡି କାଠ ତୋତେ ହୋଇବ ଲୋଡ଼ା ॥୭॥

ଯମ ଯେ ନ ଜାଣଇ ବାଳୁତ ଯୁବା
ଜୀଇଁବୁ ବୋଲି ମନେ କରିଛୁ ଅବା ।
ଜଣେହିଁ ଏଥୁ କେହି ନାହିଁ ଅମର
ଜଗନ୍ନାଥଙ୍କୁ ଭଜ ହେବୁ ଉଦ୍ଧାର ॥୮॥

ଝୋଲା ଗନ୍ଥା ପାଛୋଡ଼ା ପିନ୍ଧାକୁ ରସୁ
ଝଡ଼ ସଂସାରେ ମନ ନ ବୁଝି ପଶୁ ।
ଝୁଣ୍ଟି ପଡ଼ିଲେ ଉଠି ପାରିବୁ ନାହିଁ
ଝଡ଼ିଲା ପତ୍ର ବୃକ୍ଷେ ଲାଗିଛି କାହିଁ ॥୯॥

ନିଶି ଦିବସେ ଥୟ ନୋହୁନା ମନ
ନିଦ୍ରାରେ ଦେଖୁଅଛୁ ଯଥା ସ୍ୱପନ ।
ନଯିବେ ସଙ୍ଗେ କେହି ଯିବୁ ତୁ ଏକା
ନାମ ମାତ୍ର ଅଟଇ ପଥକୁ ସଖା ॥୧୦॥

ଟାଣ କରିଛୁ ମନ ସବୁ ମୋହରି
ଟଳି ପଡ଼ିଲେ କେହି ନୋହେ କାହାରି ।
ଟେରା ଭିତରେ ଯେହ୍ନେ ଅପୂର୍ବ ନାରୀ
ଟୋପ ଚଉଁରା ଅଛି ତୋ ଦେହେ ପୁରି ॥୧୧॥

ଠିକେ ମୁଁ କ‌ହୁଅଛି କର ମୋ କଥା
ଠିକେ ତୋ ଦେହେ ଅଛି ଶୂନ୍ୟ ଦେବତା ।
ଠକି ଯିବୁଟି ଠିକ୍ ମୁଣ୍ଡ ପଡ଼ିଲେ
ଠିକେ ଗୁରୁଙ୍କ ସେବା କର ତୁ ଭଲେ ॥୧୨॥

ଡାକି କ‌ହୁଛି ମନ ଡାକ ଗୋବିନ୍ଦ
ଡର ଜଞ୍ଜାଳ ଯାଉ ତୋହୋର ହୃଦ ।
ଡେରିଥାନ୍ତି ଶ୍ରବଣ ଭକ୍ତ ଡାକ‌କୁ
ଡଙ୍ଗା ଯେହ୍ନେ ଜଳରେ ଚାହେଁ ପଛକୁ ॥୧୩॥

ଢୋଲ ଯେସନେ ଢାଉଁ ଢାଉଁ ବାଜଇ
ଢାଳେ ତ‌ହିଁ ଭିତରେ କିଛି ହିଁ ନାହିଁ ।
ଢାଙ୍କି ରହିଛି ଦେହ ସବୁଟି ତୁଚ୍ଛ
ଢଳି ପଡ଼ିଲେ ସବୁ ହେବଟି ମିଛ ॥୧୪॥

ଏଣେ ତୁ ଦେଇଥିଲେ ତେଣେ ପାଇବୁ
ଅଣଆୟତ୍ତ ବେଳେ କି ଘେନି ଯିବୁ ।
ଅଣନିଶ୍ୱାସୀ ହୋଇ ରହିବୁ ଦିନେ
ଅନେକ ଦୁଃଖ ଦେବେ ଯମ ଭୁବନେ ॥୧୫॥

ତୁ ଯେ ବୋଲୁ ମୋହର ଅର୍ଜିଲା ଧନ
ତୋ ଦେହ ନୁହେଁ ତୋର ଦେଖ ଏ ମାନ ।
ତୋହରି ସଙ୍ଗୁ ମନ ଗଲେଣି କେତେ
ତୁ ମିଥ୍ୟା କଥାକୁ ତ ଯାଉ ପରତେ ॥୧୬॥

ଥିଲେ ଏ ସଂସାରରେ ଯେତେ ନୃପତି
ଥୟ କରି କେ ଭୋଗ କଲା ଏ ପୃଥ୍ବୀ ।
ଥୋଇଲା ଧନ ତୋର ଖଣ୍ଟ ଖାଇବେ
ଥାନେ ତୋହରି ଘର କରି ରହିବେ ॥୧୭॥

ଦେହେ ପୂରିଛି ତୋର ଅଶେଷ ରୋଗ
ଦିନ ଚାରିକି ସିନା ଏ ସୁଖ ଭୋଗ ।
ଦଣ୍ଡେହେଁ କେହି ତୋତେ ରଖିବେ ନାହିଁ
ଦଣ୍ଡୁ ଯେ ଥିବେ ଯମ ଡଗର ନେଇ ॥୧୮॥

ଧର୍ମ ଅଧର୍ମ କଥା ନ‌ଜାଣୁ ତୁହି
ଧନ୍ଦି ହେଉଛୁ ଧନ ଅର୍ଜିବା ପାଇଁ ।
ଧୋକା ରଖିଲେ ଧନ୍ଦା ଫିଟିବ ନାହିଁ
ଧର୍ମରେ ଆତଯାତ ହେଉଛି ମହୀ ॥୧୯॥

ନିନ୍ଦିତ କର୍ମ କଲେ ନିନ୍ଦା ପାଇବୁ
ନରକେ ପଡ଼ି କେତେ ଦୁଃଖ ସ‌ହିବୁ ।
ନିମିଷେ ମାତ୍ର ମୁଖେ ନ ବୋଲୁ ହରି
ନାଶ-ହେତୁକୁ କିମ୍ପା ଅଛୁ ଆବୋରି ॥୨୦॥

ପାହିଲେ ନିଶି ଯେହ୍ନେ ରବି ଉଦୟ
ପଦ୍ମଲୋଚନ ସବୁ ଦେହେ ଉଦୟ ।
ପ୍ରଭୁଙ୍କୁ ଆଶ୍ରି କରି ତରିବୁ ଯେବେ
ପାଦପଦ୍ମରେ ଚିତ୍ତ ଦିଅ ତୁ ଏବେ ॥୨୧॥

ଫୁଲ ଯେସନେ ଫୁଲେ ଫୁଲେ ବିହରେ
ଫୁଲ ସମୀରେ ଆଉ ନ‌ଦିଶେ ତାରେ ।
ଫଳ ସଂସାରେ ଲାଭ ହରି ଭଜନ
ଫାଶ ଗଳାକୁ କିମ୍ପା କରୁଛୁ ଧନ ॥୨୨॥

ବେଳକୁ ବେଳ ତୋତେ କ‌ହୁଛି ମୁହିଁ
ବାନ୍ଧିଣ ନେବ ଯମ କି ଦୁଃଖ ଦେଇ ।
ବିକଳେ କାନ୍ଦୁଥିବୁ ଆକୁଳ ହୋଇ
ବେଳହୁଁ ଆଶ୍ରେକରି ଭଜ ଗୋସାଇଁ ॥୨୩॥

ଭେଳା ବୁଡ଼ିବ ହେଳା କଲେ କ‌ହୁଛି
ଭଙ୍ଗା ନାବରେ କେବା ସିନ୍ଧୁ ତରିଛି ।
ଭାବକୁ ନିକଟ ସେ ଅଭାବେ ଦୂର
ଭକତ ଦାସ କହେ ଜୀବନ ଛାର ॥୨୪॥

ମିଥ୍ୟା-ମାୟା ସଂସାର ନୋହେ କାହାରି
ମଲା ବୋଲିଣ ଦିନେ ପଡ଼ିବ ହୁରି ।
ମହୀ ଭିତରେ କେହି ରଖିବ ନାହିଁ
ମଲା ବୋଲି କାନ୍ଦୁଛୁ ମରିବୁ ତୁହି ॥୨୫॥

ଜନମ ହେଲେ ପ୍ରାଣୀ ଅବଶ୍ୟ ମରି
ଯଶ ରଖିବୁ ଯେବେ ଭଜ ଶ୍ରୀହରି ।
ଯମ ବାନ୍ଧି ନେବଟି ହେବୁ ମେଲାଣି
ଜଗନ୍ନାଥ ମହିମା ଏଡ଼ିକି ଆଣି ॥୨୬॥

ରଙ୍ଗ ପସରା ସିନା ଭବ ସାଗର
ରଙ୍ଗ ଭିତରେ ଅଛି କି ନାରଖାର ।
ରୂପ ପ୍ରତିମାକୁ ତୁ ପରତେ ନଯା
ରହିବେ ନାହିଁ କେହି ରାଜା ପରଜା ॥୨୭॥

ଲୋଚନେ ଦେଖି କର୍ଣ୍ଣେ ଶୁଣୁଛୁ ନିତି
ଲୋଭକରି ଅର୍ଜିଲୁ ଧନ ସମ୍ପତ୍ତି ।
ଲୋଭଟି ସବୁ ନାଶ କରଇ ମନ
ଲୋଡ଼ିଲେ ନପାଇବୁ ଆଉ ଜୀବନ ॥୨୮॥

ବିଅର୍ଥେ ବହିଅଛୁ ଦୁର୍ଲ୍ଲଭ ଦେହ
ବିଷୟ ବିଷେ ଆଉ ନବଳା ସ୍ନେହ ।
ବୁଡ଼ିଯିବଟି ମୂଳ ଲାଭ ସରିବ
ବେଳହୁଁ ଆଶ୍ରେକରି ଭଜ ମାଧବ ॥୨୯॥

ଶ୍ରୀକୃଷ୍ଣ ପାଦପଦ୍ମେ ଦିଅ ତୁ ମନ
ସରିଲେ ନପାଇବୁ ଆଉ ଜୀବନ ।
ଶ୍ରୀକୃଷ୍ଣ ନାମ ଗୋଟି କର ଭଜନ
ଶ୍ରୀକୃଷ୍ଣ ପାଦପଦ୍ମେ କର ତୁ ଧ୍ୟାନ ॥୩୦॥

ସନ୍ତୋଷ ଚିତ୍ତେ ତୁହି ହରିଙ୍କି ଭଜ
ସଂସାରେ ପଡ଼ି ଆଉ ନ ପାଅ ଲାଜ ।
ସବୁଟି ମିଛ ହରି ନାମଟି ସତ
ଶ୍ରୀକୃଷ୍ଣ ପାଦପଦ୍ମେ ଦିଅତୁ ଚିତ୍ତ ॥୩୧॥

ସତ୍ୟ ମଣୁଛୁ ତୁହି ଭବ ସାଗର
ସରି ଯାଉଛି ପରମାୟୁ ତୋହର ।
ସନ୍ତୋଷ ହୋଇ ଦୃଢ଼େ ଭଜ ଶ୍ରୀହରି
ଶୋକ ସାଗରୁ ଯେବେ ହୋଇବୁ ପାରି ॥୩୨॥

ହୁଡ଼ିଲେ ଯେତେ ଜନ ହରି ନାମକୁ
ହୀନ ଗତିକି ଗଲେ ବୁଡ଼ି ତଳକୁ ।
ହଜିଲେ ଦେହ ଆଉ ପାଇବୁ କାହିଁ
ହାଟ ବସାଇଥିବେ ତୋ ଦେହ ପାଇଁ ॥୩୩॥

କ୍ଷୟେ ଦୁର୍ଲ୍ଲଭ ଦେହ ହୋଏ ଆୟୁଷ
କ୍ଷୟ ନ ଯିବ ନାମ ହୃଦରେ ଘୋଷ ।
ଛାର ଦେହକୁ ମନ ନଯା ବିଶ୍ୱାସ
ଛାର ଦୁର୍ବୁଦ୍ଧି କହେ ଭକତ ଦାସ ॥୩୪॥


YouTube ରେ କହଇ ମନ ଆରେ ମୋ ବୋଲ କର

== English ==

Song : Kahai Mane Aare Mo Bola Kara
Language : Odia
Scripture / Book : Manabodha chautisha
Lyricist : Bhakta Charana Das


Kahai mana aare mo bola kara
Kala shrimukha bare dekhiba chala ।
Kete dina ku mana bandhichhu  aanta
Ki gheni jibu tora chhutile ghata ॥1॥

Khandi je khandi tora pinjara kathi
Khauna thibe swana shrugala banti ।
Khata palanke sheja sejai shou
Khala durgandha heba e tora dehu ॥2॥

Galeni to sangaru jeteka jana
Ganthire bandhinele ke kete dhana ।
Guru gobinda nama tunde na bolu
Gadhe majjina nitye dhana arjilu ॥3॥

Ghara boli arjichhu jete padartha
Ghata chhutile tote bolibe bhuta ।
Ghara gharani deha kilauthibe
Gheni bandhu kutumba shuddha hoibe ॥4॥

Uddhara hebu jebe bhaba sagaru
Upaya kari bhaja ebe shriguru ।
Una heuchhi dinu dina ayusa
Aau eniki achhi kete bayasa ॥5॥

Chitra pratima praya dishu sundara
Chiri bhitara dekha ki narakhara ।
Charma bedhichhi sina chaurashiki
Chitta tu dia nilagiribasinki ॥6॥

Chhara dehaku mana karichhu saja
Chhanda kapata teja gobinda bhaja ।
Chhuinbe nahin tote bolibe mada
Chhakhandi katha tote hoiba loda ॥7॥

Jama je na janai baluta juba
Jiinbu boli mane karichhu aba ।
Janehin ethu kehi nahin amara
Jagannathanku bhaja hebu udhara ॥8॥

Jhola gantha pachhoda pindhaku rasu
Jhada sansare mana na bujhi pashu ।
Jhunti padile uthi paribu nahin
Jhadila patra brukhye lagichhi kahin ॥9॥

Nishi dibase thaya nohuna mana
Nidrare dekhuachhu jatha swapana ।
Najibe sange kehi jibu tu eka
Nama matra atai pathaku sakha ॥10॥ 

Tana karichhu mana sabu mohari
Tali padile kehi nohe kahari ।
Tera bhitare jehne apurba nari
Topa chaunra achhi to dehe puri ॥11॥
 
Thike mun kahuachhi kara mo katha
Thike to dehe achhi shunya debata ।
Thaki jibuti thik munda padile
Thike gurunka seba kara tu bhale ॥12॥

Daki kahuchhi mana daka gobinda
Dara janjala jau tohora hruda । Derithanti shrabana bhakta dakaku
Danga jehne jalare chahen pachhaku ॥13॥ 

Dhola jesane dhaun dhaun bajai
Dhale tahin bhitare kichhi hin nahin ।
Dhanki rahichhi deha sabuti tuchha
Dhali padale sabu hebati michha ॥14॥ 

Ene tu deithile tene paibu
Anaayatta bele ki gheni jibu ।
Ananiswasi hoi rahibu dine
Aneka duhkha debe jama bhubane ॥15॥

Tu je bolu mohara arjjila dhana
To deha nuhen tora dekha e maana ।
Tohari sangu mana galeni kete
Tu mithya kathaku ta jau parate ॥16॥ 

Thile e sansarare jete nrupati
Thaya kari ke bhoga kala e pruthvi ।
Thoila dhana tora khanta khaibe
Thane tohari ghara kari rahibe ॥17॥ 

Dehe purichhi tora ashesa roga
Dina chariki sina e shukha bhoga
।
Dandehen kehi tote rakhibe nahin
Dandu je thibe jama dagara nei ॥18॥     

Dharma adharma katha najanu tuhi
Dhandi heuchhu dhana arjiba pain ।
Dhoka rakhile dhanda phitiba nahin
Dharmare atajata heuchhi mahi ॥19॥ 


Nindita karma kale ninda paibu
Narake padi kete duhkha sahibu ।
Nimise matra mukhe na bolu hari
Nasha-hetuku kimpa achhu abori ॥20॥

Pahile nishi jehne rabi udaya
Padmalochana sabu dehe udaya ।
Prabhunku ashra kari taribu jebe
Padapadmare chitta dia tu ebe ॥21॥

Phula jesane phule phule bihare
Phula samire aau nadishe tare ।
Phala sansare labha hari bhajana
Phasha galaku kimpa karuchhu dhana ॥22॥ 

Belaku bela tote kahuchhi muhin
Bandhina nebe jama ki duhkha dei ।
Bikale kanduthibu akula hoi
Belahun ashrekari bhaja gosain ॥23॥

Bhela budiba hela kale kahuchhi
Bhanga nabare keba sindhu tarichhi ।
Bhabaku nikata se abhabe dura
Bhakata dasa kahe jibana chhara ॥24॥

Mithya-maya sansara nohe kahari
Mala bolina dine padiba huri ।
Mahi bhitare kehi rakhiba nahin
Mala boli kanduchhu maribu tuhi ॥25॥

Janama hele prani abashya mari
Jasha rakhibu jebe bhaja srihari ।
Jama bandhi nebati hebu melani
Jagannatha mahima ediki ani ॥26॥

Ranga pasara sina bhaba sagara
Ranga bhitare achhi ki narakhara ।
Rupa pratimaku tu parate naja
Rahibe nahin kehi raja paraja ॥27॥

Lochane dekhi karnne shunuchhu niti
Lobhakari arjilu dhana sampati ।
Lobhati sabu nasha karai mana
Lodile napaibu aau jibana ॥28॥

Biarthe bahiachhu durllabha deha
Bisaya bise aau nabala sneha ।
Budijibati mula labha sariba
Belahun ashrekari bhaja madhaba ॥ 29॥

Srikrushna padapadme dia tu mana
Sarile napaibu aau jibana ।
Srikrushna nama goti kara bhajana
Srikrushna padapadme kara tu dhyana ॥30॥

Santosa chitte tuhi harinki bhaja
Sansare padi aau na paa laja ।
Sabuti michha hari namati sata
Srikrushna padapadme diatu chitta ॥31॥

Satya manuchhu tuhi bhaba sagara
Sari jauchhi paramayu tohara ।
Santosa hoi drudhe bhaja srihari
Shoka sagaru jebe hoibu pari ॥32॥

Hudile jete jana hari namaku
Hina gatiki gale budi talaku ।
Hajile deha aau paibu kahin
Hata basaithibe to deha pain ॥33॥

Khyaye durlabha deha hoe ayusa
Khyaya na jiba nama hrudare ghosa ।
Chhara dehaku mana naja biswasa
Chhara durbudhikahe bhakata dasa ॥34॥


References:

1. Various YouTube videos
2. Wikisource

ଆପଣଙ୍କ ମତାମତ ବା ପ୍ରଶ୍ନ ତଳେ comment କରି ଜଣାନ୍ତୁ...