ତୁମ ପାଇଁ ଓଡ଼ିଆ କବିତା - Tuma Pain Odia Kabita

== ଓଡ଼ିଆ ==

କବିତା : ତୁମ ପାଇଁ 
ଭାଷା : ଓଡ଼ିଆ
ଗୀତିକାର : ସ୍ନିଗ୍ଧା ଦାସ (କ୍ରିଷ୍ଣା)

ତୁମରି ସେନେହ ଭଲ ଲାଗେ ମୋତେ
                        ନୀରବରେ ପ୍ରେମ ବୁଣେ,
ପ୍ରେମ ପରିଭାଷା ବୁଝିବାଟା କଷ୍ଟ
                    ମନେ କୌତୁହଳ ଆଣେ ॥ ୧ ॥


ମନ ତଳେ ତୁମ ଆଙ୍କିଥିବା ଛବି
                କହେ ମୋତେ କେତେ କଥା,
ସପନେ ସପନେ କେବେ ପୁଣି ଦେହେ
               ଭରିଯାଏ ମାଦକତା ॥ ୨ ॥


ଭଲ ପାଇବାଟା ଏମିତି ଜଳନ
                   ହୃଦ ଜଳେ ଦିବାନିଶି,
ସକାଳରୁ ସଞ୍ଜ ତୁମରି ସ୍ମୃତିକୁ
                  ଏକାନ୍ତରେ ଭାବେ ବସି ॥ ୩ ॥


କେତେ ଯେ ପବିତ୍ର ଏ ସ୍ନେହ ସମ୍ପର୍କ
                      କିଏ ବା ପାରିବ କହି,
କିଏ କହେ ପ୍ରେମ ପାଗଳାମି ଏଠି
                     ଅବା ମରୀଚିକା ଏହି ॥ ୪ ॥


ପ୍ରେମ ହେଲେ ଏକ ନିଆଁ ଝଲଟିଏ
                       ମନ ପରା ଦୀପଟିଏ,
ନୀରବେ ନୀରବେ ମନ ତଳେ ନିଆଁ
                   ଦିକ୍ ଦିକ୍ ଜଳୁଥାଏ ॥ ୫ ॥

ଆପଣଙ୍କ ମତାମତ ବା ପ୍ରଶ୍ନ ତଳେ comment କରି ଜଣାନ୍ତୁ...